«Бердәмлек бездә!»

2024 елның 6 ноябре, чәршәмбе

5 ноябрь көнне, Халыклар бердәмлеге көне уңаеннан, Шәмәрдән авыл китапханәсе һәм балалар китапханәсе, Кырбаш авыл клубы белән берлектә, «Бердәмлек бездә!»  дигән толерантлык дәресе үткәрделәр. Китапханәчеләр укучыларга бәйрәмне оештыруның тарихы, халык ополчениесенең башкаланы чит ил кешеләреннән азат итүгә ирешүе, авыр сынаулар вакытында Россия халыкларының берләшүе мисаллары турында сөйләделәр. Чара барышында теләүчеләр «Русьтан Россиягә» викторинасы сорауларына җавап бирделәр. Чараның икенче өлешендә яңа вакытлы басмалар белән танышу булды.