«Халыклар дуслыгы - илләр дуслыгы»

2024 елның 25 октябре, җомга

«Халыклар дуслыгы - илләр дуслыгы»диләр. Безнең илебездә яшәүче һәр халык дус һәм тату. Идел буенда  рус, татар, мари, мордва, удмурт, чуваш, башкорт халкы берләшеп яши. Рәсәй дип аталучы зур, бердәм дәүләт вәкилләре без барыбыз да. Бүген Саба 4 нче “Кыңгырау” балалар бакчабызда милләтләр, халыклар бердәмлеге, дуслыгы турында “ Халыкларның бер күк гөмбәзе астында берләшүе“ дип аталучы тематик чара узды. Сабабызда яшәүче башкорт әбисе Рәхимә апа кичәбезнең махсус кунагы булды.  Рәхимә апа бәйрәмгә бик матур милли киемнәр белән килеп, башкортча сөйләм ишеттереп, балалар белән әңгәмә корды. Чарада үзе иҗат иткән китапларын бакчабызга бүләк итте.