Грипп белән авырырга теләмисеңме? Прививка ясарга вакыт!
2024 елның 8 октябренә республикада да, Саба районында да кискен респиратор авырулар саны арту күзәтелә, узган атнада алдагы атнага караганда 2 мәртәбә арту күзәтелә. Грипп әлегә теркәлми, шуңа күрә аңа прививка ясатырга вакыт.
Гриппка каршы вакциналар районның дәвалау-профилактика учреждениеләренә - Совигрипп һәм Флюм инактивацияләнгән вакциналарына кайткан инде. Аларны 6 айлык яшьтән үк балаларга һәм өлкәннәргә прививка ясатырга мөмкин.
Әлеге вакциналар белән иммунизация вакытында В гриппына һәм 2 төр А гриппына, шул исәптән югары патогенлы А гриппына (дуңгыз гриппына) каршы иммунитет эшләнә. Иммунитет прививка ясатканнан соң 8-12 көннән әзерләнә һәм 12 айга кадәр саклана, ягъни аны ел дәвамында саклый: әгәр прививка ясаткан кеше хәтта грипп белән авырса да, авыру җиңел формада , катлаулануларсыз узачак.
Прививкалар алу өчен үзегезнең участок табибына яки ФАП фельдшерына мөрәҗәгать итәргә кирәк, гриппка каршы прививкага алдан язылу кирәкми.
Врач эпидемиолог ГАУЗ «Сабинская ЦРБ» Фаттахова Р.З.