2010 нчы елда туган һәм аннан кечерәк яшүсмерләр арасында баскетбол буенча Саба муниципаль районы беренчелеге
2024 нче елның 5 нче октябрь көнне Тимершык гомумбелем бирү мәктәбе базасында 2010 нчы елгы һәм аннан кечерәк яшүсмерләр арасында баскетбол буенча Саба муниципаль районы беренчелеге булып узды.
5 октябрь – халыкара укытучылар көне булып билгеләп үтелә. Шул уңайдан баскетбол ярышларын үткәрүдә булышлык күрсәткән Биктимиров А.Г., Шакиров Ш.Х., Нагимов М.З., Шакиров Р.Ш.ка “Сабантуй” спорт мәктәбе тарафыннан рәхмәт хаты тапшырылды.
Ярышта барлыгы 8 команда көч сынашты: Явлаштау, Саба гимназиясе, Шыңар, Сатыш, Шәмәрдән, Тимершык урта гомумбелем бирү мәктәпләре, Сәләтле балалар өчен урта гомуми белем мәктәп – интернаты һәм Шекше төп гомумбелем бирү мәктәбе.
Командалар көчле әзерлек белән килгән иде. Авыр көрәш нәтиҗәсендә урыннар түбәндәгечә билгеләнде:
1 урын –“Сабантуй” командасы, тренерлары Шакиров Ш.Х.
2 урын – “Гимназия” командасы, тренерлары Гафиятуллин Р.Р.
3 урын – Сәләтле балалар өчен урта гомуми белем мәктәп – интернаты, тренерлары Шакиров И.Р.
Ярышта катнашучылар һәм призлы урын алучылар акчалата бүләк, грамота һәм кубок белән бүләкләнделәр. Барлык командаларны да уңышлы чыгыш ясаулары белән котлыйбыз, алга таба да җиңүләр теләп калабыз.