" Һәрвакыт тынычлык булсын!» квест уен

2024 елның 20 сентябре, җомга

19 сентябрь көнне Лесхоз мәдәният йортында Лесхоз урта мәктәбенең беренче сыйныф укучылары белән Бөтендөнья тынычлык көненә " Һәрвакыт тынычлык булсын!"дигән квест –уен үтте. Башта балалар алып баручылар ярдәмендә «дөнья» сүзен ничек аңлауларын формалаштырдылар, Халыкара тынычлык көненең барлыкка килү тарихы белән таныштылар. Икенче өлештә "Көйне таны ", "Ребус", "Табышмаклар" станцияләре белән квест-уен узды, алар сугыш, тынычлык, дуслык, игелек һәм планетабызда һәрвакыт тынычлык булсын өчен нәрсә эшләргә кирәклеге кебек темаларга багышланган иде Чара  тынычлык символы -Күгәрченнең апликациясен ясау белән тәмамланды.