Футболкаларга рәсем ясау буенча мастер-класс

2024 елның 18 августы, якшәмбе

15 август көнне Килдебәк авыл китапханәчесе, мәдәният йорты хезмәткәрләре белән берлектә, футболкаларга рәсем ясау буенча мастер-класс үткәрделәр. Әлеге чарада катнашучылар үзләрен чын дизайнер итеп хис иттеләр һәм гадәти әйберне эксклюзив киемгә әйләндерделәр. Бүген гадәти булмаган рәсемле һәм язулы футболкалар бик популяр. Ә үз кулларың белән ясалган футболка, хуҗасының визит карточкасы яки истәлекле вакыйгага бик яхшы бүләк була ала. Моның өчен бер төстәге футболка, картон, кисточкалар, акрил буяулар, трафарет һәм бераз гына сабырлык кирәк.