«Безнең йомшак дуслар - мәчеләр»

2024 елның 11 августы, якшәмбе

Бөтендөнья мәчеләр көне ел саен 8 августта хайваннарны яклау буенча халыкара фонд инициативасы белән билгеләп үтелә. Әлеге дата уңаеннан Юлбат авыл китапханәсе «Безнең йомшак дуслар - мәчеләр» дип исемләнгән чара үткәрде. Яшь укучылар өчен китап күргәзмәсе оештырды, күзәтү үткәрде һәм мәчеләр турында кыскача мәгълүмат бирде. Катнашучылар бу хайваннар тормышыннан кызыклы фактлар белән таныштылар. Мәчеләр турындагы әкиятләрне искә төшерделәр һәм алар турында кызыклы моментлар сөйләделәр. Балалар рәхәтләнеп шигырьләр укыдылар, табышмакларны чиштеләр.