«Югары Утар психик тайпылышлары булган балалар интернат-йорты» дәүләт казна учреждениясендә “Диңгез флоты көне”нә багышланган чара

Хәрби диңгез флоты көне - Рәсәйдә традиция буенча ел саен июльнең соңгы көнендә билгеләп үтелә. Хәрби диңез флоты көне - буыннан буынга хәрби диңгезчеләренең диңгез данын искә алу көне буларак билгеләп үтелә. Рәсәйнең хәрби диңгез флоты илнең диңгез чикләрен саклый һәм аның байрагы булып Андреев әләме тора. Бәйрәм уңаеннан тәрбияләнүчеләр рус флотының барлыкка килү тарихы белән таныштылар. Әңгәмәдән соң тәрбияләнүчеләребез өчен көтелмәгән һәм күңелле сюрприз булды. Аларга кунакка элекке хәрби диңгезчеләр килде. Егетләр ике командага бүленеп, безнең тәрбияләнүчеләр белән футбол уйнадылар. Соңыннан кунакларыбыз балаларга төрле күчтәнәчләр өләштеләр. Диңгезчеләр белән фотога төшү балалар хәтерендә һәм безнең балалар интернат-йорты тарихында истә калачак. Бу чара балаларда армиябезгә хөрмәт, Ватаныбызга мәхәббәт хисләре тәрбияләде, командада эшләү осталыгын үстерде.