Терлекчеләр слеты
22 июльдә Татарстан Республикасы Саба муниципаль районының «Сабантуй» КСКда терлекчеләрнең традицион слеты узды, анда тармакның 2024 елның 1 яртыеллыгындагы эшенә йомгаклар ясалды. Чарада Татарстан Республикасы Авыл хуҗалыгы һәм азык-төлек министрының терлекчелек буенча урынбасары Гөлүс Баязитов, Татарстан Республикасы Саба муниципаль районы башлыгы Рәис Миңнеханов, районның авыл хуҗалыгы һәм азык-төлек идарәсе башлыгы Гафур Хәсәншин, шулай ук терлекчелек тармагы алдынгылары, авыл хуҗалыгы оешмалары җитәкчеләре һәм белгечләре, ветераннар һәм АПКның яшь белгечләре катнашты. Чараның тантаналы өлешендә министр урынбасары Гөлүс Баязитов һәм район башлыгы Рәис Миңнеханов чыгыш ясады. Алар терлекчеләрнең хезмәтен югары бәяләделәр һәм аларга яхшы күрсәткечләр, күпьеллык намуслы хезмәтләре өчен рәхмәт белдерделәр. Терлекчелек тармагы эшенә йомгаклар турындагы нотык белән авыл хуҗалыгы һәм азык-төлек идарәсе башлыгы Гафур Хәсәншин чыгыш ясады.