23 февраль чын ир-атлар бәйрәме

2024 елның 28 феврале, чәршәмбе

24 февральдә Кече  Шыңар мәдәният йортында Ватанны саклаучылар көненә багышланган бәйрәм кичәсе узды. 23 февраль-Ватаныбызны саклаучы барлык кешеләрнең бәйрәме. Бу чын ир-атлар бәйрәме,  шулай ук Ватанны саклаучылар булып үсәчәк кыю, җитез һәм ышанычлы малайлар бәйрәме. Конкурс программасында авыл яшьләре һәм яшүсмерләр катнашты. Командалар арасында ярышлар концерт номерлары белән аралашып барды. Егетләр кулинар һәм иҗади сәләтләрен, карар кабул итү осталыкларын күрсәттеләр. Бүгенге көндә иң актуаль проблемаларның берсе - үз иленең булачак патриотын тәрбияләү. Чара  күңелле конкурслар, кызларның котлау чыгышлары белән дәвам итте.