2012 нче елда туган һәм аннан кечерәк яшүсмерләр арасында баскетбол буенча Саба муниципаль районы беренчелеге
2024 нче елның 27 гыйнвар көнне Тимершык гомумбелем бирү мәктәбе базасында 2012 нче елгы һәм аннан кечерәк яшүсмерләр арасында баскетбол буенча Саба муниципаль районы беренчелеге булып узды. Ярышта барлыгы 6 команда көч сынашты: Явлаштау, Саба гимназиясе, Шыңар, Югары Симет, Эзмә һәм Тимершык урта гомумбелем бирү мәктәпләре.
Командалар көчле әзерлек белән килгән иде. Авыр көрәш нәтиҗәсендә урыннар түбәндәгечә билгеләнде:
1 урын –“Сабантуй-2” командасы, “Гимназия”, тренер Гафиятуллин Р.Р.
2 урын – “Шыңар” урта гомумбелем бирү мәктәбе, тренер Мөбәрәков Р.Г.
3 урын – “Югары Симет” гомумбелем бирү мәктәбе, тренер Сәубанов А.Р.
Ярышта катнашучылар һәм призлы урын алучылар акчалата бүләк, грамота һәм кубок белән бүләкләнделәр. Барлык командаларны да уңышлы чыгыш ясаулары белән котлыйбыз, алга таба да җиңүләр теләп калабыз.