Чираттагы ГТО нормаларын тапшыру 3нче номерлы "Салават күпере" балалар бакчасында узды

2024 елның 26 гыйнвары, җомга

Шәмәрдәннең 3 нче  номерлы "Салават күпере" балалар бакчасы хезмәткәрләре «Хезмәткә һәм оборонага әзер»Бөтенроссия физкультура-спорт комплексы нормаларын тапшырдылар. 18 яшьтән 55 яшькә кадәрге 30дан артык катнашучы үз көчен, чыдамлыгын һәм физик күнегүләргә әзерлеген тикшерү өчен залга килде.

Балалар бакчасы хезмәткәрләре төрле яшь категорияләре өчен билгеләнгән барлык сынауларны уңышлы үтәделәр. Нәтиҗәдә, чарада катнашучыларның барысы да диярлек лаеклы нәтиҗәләр күрсәтте. ГТО комплексының барлык төр сынаулары буенча барлык катнашучыларның нәтиҗәләре Бөтенроссия ГТО базасына кертеләчәк.

Спорт чарасы күрсәткәнчә, барлык хезмәткәрләр чыннан да хезмәткә дә, оборонага да, ГТО нормаларын тапшыруга да әзер.