Муниципаль районнар Саба муниципаль районы

Саба районыннан күп балалы гаилә «Ана даны - Материнская слава» медален алды.

2024 елның 26 гыйнвары, җомга

24 гыйнварда Татарстан Республикасы Президенты Рөстәм Миңнеханов күп балалы гаиләләр белән очрашты. Татарстанның күп балалы 11 гаиләсе дәүләт бүләкләренә, шул исәптән «Герой-Ана» исеменә һәм «Ата-ана даны» орденына да лаек булды.

«Ныклы сәламәтлек һәм иминлек телим. Гаилә учагыгызны саклагыз, анда җылы һәм ямь, тынычлык һәм мәхәббәт, бер-берегезгә хөрмәт саклагыз», - дип теләде Рөстәм Миңнеханов күп балалы гаиләләргә.

Бүләкләнүчеләр арасында Саба районы гаиләсе дә бар. Кәримуллина Алия Рафаэлевнага, 5 бала анасына, «Ана даны – Материнская слава» медале тапшырылды.

Алия Рафаэлевна Килдебәк авылында фельдшер-акушерлык пункты мөдире булып эшли.

Кәримуллиннар гаиләсен һәм шәхсән Алия Рафаэлевнаны котлыйбыз! Зур һәм тату гаиләгезгә - тынычлыкта, гармониядә һәм мәхәббәттә, бер-берегезгә ярдәмләшеп яшәвегезне телибез!

Тэги: хастаханә

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

«Балалар журналлары битләре буйлап»

5 ноябрь көнне Ике басу Арташ авыл китапханәсенең мөдире «балалар журналлары битләре буйлап»дигән вакытлы матбугат сәгате үткәрде. Китапханәче яшь укучыларны китапханәдәге журналларның төрлелеге белән таныштырды. Балалар өчен «Салават күпере», «Непоседа», «Саша и Маша», «Ежик»журналлары тәкъдим ителде.Алардан балаларга төрле табышмаклар, тиз сөйләшүләр, ребуслар тәкъдим ителде.Чара ахырында барлык балалар алган белемнәреннән канәгать булдылар һәм журналлар укуның кызыклы һәм кирәкле булуы белән килештеләр!

"Бердәмлектә көч!"

Явлаштау авыл китапханәсе һәм мәдәният йорты хезмәткәрләре Халыклар бердәмлеге көненә багышланган "Бердәмлектә көч!" дип аталган интерактив уен үткәрделәр. Чара барышында балалар халыклар арасында дуслыкны, хезмәттәшлекне һәм бердәмлекне ныгытуга юнәлдерелгән төрле уеннарда һәм конкурсларда бик теләп катнаштылар. Балалар илебезнең гореф-гадәтләре, мәдәнияте турында белемнәрен ныгыттылар. Бу чарадан балалар күп уңай эмоцияләр генә алып калмадылар, ә берләшү һәм хезмәттәшлекнең мөһимлеген дә аңладылар

Татарстан Республикасы Конституция көне

6 ноябрь Татарстан Республикасы Конституция көне! Бу бәйрәм безнең бәйсезлегебезне, хокукларыбызны һәм ирегебезне, шулай ук халкыбызның бердәмлеген һәм күптөрлелеген символлаштыра. Бүген безнең китапханәгә Саба гимназиясенең 7 «а» сыйныфы укучылары килде. Татарстан Республикасы Конституциясе көне уңаеннан алар өчен китап күргәзмәсе һәм китапханә буйлап экскурсия оештырылды, кунаклар укучыларыбыз өчен яңа мөмкинлекләр, яшьләр өчен яңа китаплар һәм мастер – класслар белән таныштылар.

«Бердәмлек бездә!»

5 ноябрь көнне, Халыклар бердәмлеге көне уңаеннан, Шәмәрдән авыл китапханәсе һәм балалар китапханәсе Кырбаш авыл клубы белән берлектә «Бердәмлек бездә!» дигән толерантлык дәресе үткәрделәр. Китапханәчеләр укучыларга бәйрәмне оештыруның тарихы, халык ополчениесенең башкаланы чит ил кешеләреннән азат итүгә ирешүе, авыр сынаулар вакытында Россия халыкларының берләшүе мисаллары турында сөйләделәр. Чара барышында теләүчеләр «Русьтан Россиягә» викторинасы сорауларына җавап бирделәр. Чараның икенче өлешендә яңа вакытлы басмалар белән танышу булды.

ЯҢАЛЫКЛАРГА ЯЗЫЛУ