“Саба район үзәк хастаханәсе” ДАССУның бала тудыру бүлегендә 3 көн эчендә 5 сабый дөньяга килде.
Яңа 2024 елга кердек кенә, ә Саба район үзәк хастаханәсенең бала тудыру бүлегендә инде 5 бала туды!
14 гыйнварда дөньяга кыз бала аваз салды, аңа София исеме бирделәр. Ул яңа 2024 елда Саба район үзәк хастаханәсендә туган беренче бала булды.
Шул ук көнне, ягъни 14 гыйнварда, тагын бер ир бала дөньяга килде. 15 гыйнварда тагын 2 ир бала һәм 16 гыйнварда 1 ир бала туды. Барлык яңа туган балалар да сау-сәламәт.
Бүген тантаналы шартларда София балалар табу йортыннан өенә кайтты. Ата-аналарны һәм яңа туган сабыйны Саба район үзәк хастаханәсе җитәкчелеге һәм коллективы, Саба ЗАГС мөдире Шәфикова Гөлнар Илдар кызы, шулай ук район хакимияте вәкилләре котлады.
Шәмәрдәннән Игорь Александрович һәм Әдилә Илдус кызы Николаевларның гаиләсен кызлары София Игоревнаның тууы белән котлыйбыз!
Барлык яңа туган балаларга да ата-аналарына шатлык китерер өчен нык һәм сәламәт булып үсүләрен телибез!