"Пушкин көннәре" - акциясе

2024 елның 15 гыйнвары, дүшәмбе

«Пушкин көннәре» Бөтенроссия акциясе кысаларында Саба урман хуҗалыгы тарихы музеенда «Пушкинны бөтен дөнья укый…» дип исемләнгән викторина уздырылды. Музей хезмәткәрләре шагыйрьнең тормышына һәм иҗатына кагылышлы сораулар бирделәр. Укучылар викторина сорауларына җавап биреп, үз белемнәрен күрсәттеләр. Балалар игътибарына шулай ук А.С. Пушкин әсәрләренә нигезләнгән агач тактага рәсем төшерү буенча тематик мастер-класс  тәкъдим ителде. Бүгенгесе көндә дә Александр Сергеевич Пушкинның  искиткеч тарихка бай әсәрләре үсеп килүче яшь буын тарафыннан яратып укыла.