"Кадим Җәмитов-танылган сынчы, якташыбыз " - түгәрәк өстәл

2024 елның 11 гыйнвары, пәнҗешәмбе

Саба туган якны өйрәнү музеенда «Туган якны өйрәнүчеләр»нең чираттагы утырышы танылган сынчы якташыбыз, Кадим Җәмитовның туган көне уңаеннан оештырылды. Аның тормышы, иҗаты, тырыш хезмәте турында әңгәмә корылды. Сынчының музейга куелган барлык әсәрләре дә шамот ташыннан ясалган. Ул үзе ясаган сыннарга сизелер-сизелмәс кенә төс-буяу салырга ярата. Кадим Җәмитов үзе иҗат итәргә алынган персонажның, гәүдәләндерергә теләгән образның билгеле бер мөһиттә яшәве, үз чоры  белән багышланышта булган композицион чишелеше табылуы мөһим. Сынчы, шул рәвешле, үз әсәрләренең сәнгати кыйммәтен раслап кына калмый, ә бәлки героеның тарихи чынбарлык белән бәйләнешен,бүгенге белән мөнәсәбәтен дә ачып бирә.