Яңа ел- һәркем көтә торган бәйрәм!

2023 елның 22 декабре, җомга

    Күпчелек кеше өчен Яңа елны каршылау –яңа могҗиза, яңа бәхет көтү.

    20 нче декабрь көнне җаваплылыгы чикләнгән “Игенче” җәмгыяте , Шекше мәдәният йортында  , җәмгыятьтә эшләүче хезмәткәрләр өчен , Яңа елны каршылау  кичәсе уздырды. Шушы матур чара тулысынча хуҗалыкның үз көче белән үткәрелде. Бәйрәм төрле  уеннар, көлкеле күңел ачулар, җыр-биюләр, концерт номерлары  белән алышынып барды.

    Популяр җырчылар Ризат һәм Зинира Рамазановларның  котлап  җырлап китүләре  хезмәткәрләрнең күңеленә аеруча хуш килде.

    Хуҗалык көче  белән әзерләнгән, берседән – берсе тәмле ризыклардан өстәлләр сыгылып тора иде.

    Җитәкче Зарипов Алмаз Зөфәр улы барлык катнашучыга киләсе Яңа елда  ныклы сәламәтлек,   хезмәттә зур уңышлар теләде.