Бүген «Салават күпере» 3 нче Шәмәрдән балалар бакчасы базасында балаларда юлларда куркынычсызлык күнекмәләрен формалаштыру максатыннан ачык дәрес узды

2023 елның 23 ноябре, пәнҗешәмбе

Бүген «Салават күпере» 3 нче Шәмәрдән балалар бакчасы базасында балаларда юлларда куркынычсызлык күнекмәләрен формалаштыру максатыннан, Саба районында «БДД» дәүләт бюджет учреждениесенең профилактика бүлеге башлыгы Ягафарова Г.Н.  катнашында ачык дәрес узды. Дәресләр барышында кечкенәләр, уртанчылар, мәктәпкә әзерлек төркемнәрендә тәрбияләнүче балалар юлда куркынычсызлык кагыйдәләрен, юл билгеләрен  искә төшерделәр, бик теләп танып белү һәм практик уеннарда катнаштылар. Чара ахырында Гүзәл Нәзиф кызы балаларга сак, игътибарлы булырга, юлда үзләрен сакларга, кагыйдәләрне үтәргә кушты һәм чарада катнашучыларга өстәл уеннары, күрсәтмә материал һәм яктылык кайтаручы беләзекләр бүләк итте.