“Тату сыйныф серләре”
22нче ноябрь көнне Эзмә авылы мәдәният йортында “Тату сыйныф серләре” республика конкурсының муниципаль этабының 1зона туры үтте. Бәйгедә Эзмә, Явлаштау, Иштуган урта һәм Сабабаш, Шекше төп мәктәпләре көч сынашты. Бәйгенең беренче этабында укытучы, әти-әни, балалар берлектә “Безнең тату сыйныф” визит карточкасын тәкъдим иттеләр, Берничә сәгать дәвамында командалар бер-берсен сәхнәдә алыштырдылар, һәр чыгыш тамашачыларның көчле алкышлары астында үтте. Чыгышлар үзенчәлекле һәм эчтәлекле иде. Безнең мәктәбебездән бу бәйгедә 8 “Б” сыйныф укучылары (Сыйныф җитәкчеләре Закарова Гөлсирә Рәшит кызы) һәм әти –әниләр комитеты катнашты.
Икенче турда “Без бергә” конкурсының “Иҗади гаилә” номинациясендә чыгышлар игълан ителгән иде. Бәйгедә Эзмә урта мәктәбеннән Мөбәрәкшиннар, Иштуган урта мәктәбеннән Ивановлар, Шекше төп мәктәбеннән Шигабиевлар, Явлаштау урта мәктәбеннән Маликовлар, Сабабаш төп мәктәбеннән Гариповлар гаиләсе чыгыш ясады.