КЭС-БАСКЕТ

2023 елның 21 ноябре, сишәмбе

18, 20 нче ноябрь  көннәрендә Килдебәк һәм Саба урта мәктәпләре базасында  укучылар арасында КЭС-БАСКЕТ ярышы булып узды. Әлеге ярышта үз зоналарында беренче урынны алган егетләр һәм кызлар командалары үзара көч сынашты. Уеннар бик мавыктыргыч булды, командалар ныклы хәзерлек белән килүләрен күрсәттеләр. 
Өченче урынны кызлардан Сатыш урта мәктәбе һәм егетләрдән Икшермә кадет - интернат мәктәбе командалары яулады. Икенче урында  Тимершык мәктәбе  кызлары  һәм егетләре командалары. Ә җиңүчеләр булып Саба урта мәктәбе кызлар һәм егетләр командалары билгеләнде. Әлеге командалар ярышның республика этабына әзерләнәләр. Командаларга киләчәктә дә җиңүләр теләп калабыз!