Татарстан Республикасы мәктәп укучылары арасында экологик турнир - Мәктәп чисталыгы кубогы
"Мәктәп чисталыгы кубогы"-Татарстан Республикасы мәктәп укучылары арасында үткәрелгән экологик турнир.
Турнир кысаларында катнашучы командалар 3 этап узды:
📍чиста уен форматындагы экологик ярышлар,
📍«другое дело» платформасында онлайн марафон,
📍экологик квиз.
❗ ️Нәрсә эшләргә кирәк иде?
-4 кешедән торган команда тупларга (5-11 сыйныф укучылары)
- "Мәктәп чисталык кубогы" сайтында теркәлергә
-телеграмм-каналга язылу һәм актуаль мәгълүматны күзәтү.
Проект Россия балалар һәм яшьләр хәрәкәте «Алдынгылар хәрәкәте» грант ярдәме белән гамәлгә ашырыла.
Проект кысаларында Шекше төп мәктәбе укучысы Габделхакова Ильвина сентябрь аенда Казан шәһәрендә белем туплады һәм "Мәктәп чисталыгы Кубогы" балалар дирекциясе әгъзасы булып билгеләнде.
1 этап: чиста уеннар — табигый территорияләрне чүп-чардан чистарту һәм калдыкларны аеру буенча команда ярышлары Арча шәһәрендә үтте. Бүләкләр белән мавыктыргыч уенда, катнашучылар артефактлар эзләделәр, экологик табышмакларны чиштеләр, чүп-чарны җыйдылар, моның өчен баллар алдылар. Уеннар статистикасы сайтта һәм мобиль кушымтада реаль вакыт режимында алып барылды.
2 этап: Экологик онлайн-марафон.
2 атна дәвамында командалар «Башка эш» платформасында биремнәр үтәделәр, анда эко-гадәтләрне үз тормышларына керттеләр, калдыкларны җыюның иң якын нокталарын таптылар һәм үз мәктәпләрендә экологик акцияләр үткәрделәр.
3 этап: соңгы этап экологик квиз үткәрү булды, анда беренче ике этап рейтингы нәтиҗәләре буенча республика буенча 54 команда катнашты. Безнең "Саба муниципаль районы Шекше төп гомуми белем бирү мәктәбе"нең "Клевер" командасы 3 нче этапка үтте һәм финалист дипломнары белән бүләкләнделәр. Котлыйбыз!