Көрәшчеләребезнең уңышлары!
4 нче ноябрь көнне район үзәгендә “Саба таңнары” газетасы призына узган милли көрәш ярышларында “Игенче” ҖЧҖнән 12 ир-егет катнашты.
Хоккей, чаңгы кебек спорт төрләрендә актив катнашу белән беррәттән көрәш төрендә дә үзләрен сынадылар алар.
Һәр чара ул -команда эше. “Игенче” командасында төрле профессия кешеләре тупланган: агроном - Хаҗиев Рүзәл , зоотехник - Вәлиев Марс, мал табибы Ибраһимов Фәнис, ветеринар санитар Хөсәенов Айдар, механизаторлар Газизов Салават, Гыймранов Нияз, Мамурзаев Радик, терлекче Хөсәенов Илнар, шоферлар Зарипов Ленар, Сабирҗанов Айнур,Николаев Руслан, Хәертдинов Раилләр .
Һәм, әлбәттә, команданы туплап, барлап йөрүче- җитәкче Алмаз Зөфәр улы үзе.
Катнашу тәэсирләре – бик шатлыклы. Шәхси-команда ярышында ll урынга лаек булып диплом белән белән бүләкләнделәр. Шулай бердәм булып алдагы ярышларда зур уңышлар насыйп булсын!