Башлангыч сыйныф укучылары белән эшләү.
Мәктәп каникуллары вакытында ФАП мөдирләре мәктәп лагерьларына йөрүче балалар белән укыту чаралары үткәрәләр.
Кичә Олы Арташ ФАП фельдшеры Гасимуллина Г.Ф. Олы Арташ урта мәктәбендә мәктәп лагерына йөрүче укучылар белән сәламәт яшәү рәвеше темасына әңгәмә үткәрде.
Фельдшер балаларга дөрес туклану, тәм-томнар һәм фаст-фуд кулланмауның мөһимлеге турында сөйләде, даими физик активлык организмга нинди файда китерүен аңлатты. Моннан тыш, Гөлназ Фираис кызы балаларга каникуллар вакытында да вакытында йокларга ятарга кирәклеген искәртте.
Ә Юлбат ФАП мөдире Бадиковна Миләүшә Рәшит кызы балалар өчен үзенең фельдшер-акушерлык пункты буенча экскурсия үткәрде. Миләүшә Рәшит кызы балаларга ФАПта урнаштырылган барлык приборлар турында сөйләде, озынлыкны һәм авырлыкны ничек үлчәргә кирәклеген күрсәтте, фельдшерның эше турында бик кызыклы итеп сөйләде. Әлеге экскурсия мәктәп укучыларын төрле һөнәрләр белән таныштыру программасы кысаларында узды.