8 июль - Гаилә, мәхәббәт һәм тугрылык көнендә Саба муниципаль районында яшь гаилә теркәлде
8 июль - Гаилә, мәхәббәт һәм тугрылык көнендә Саба муниципаль районында яшь гаилә теркәлде. Явлаштау авылы кызы Илсинә һәм Шәмәрдән егете Нияз гаилә корды, Галиәкбәровлар гаиләсе төзелде.
Язылышу тантанасы Шәмәрдәндә узды. Тантананы Шәмәрдән авыл җирлеге Башлыгы урынбасары/гражданлык хәле актларын теркәү бүлеге вәкиле Лиана Олеговна Сергеева алып барды.
Яшь парны истәлекле вакыйга белән ЗАГС бүлеге җитәкчесе Гөлнар Илдар кызы Шафикова, Инфраструктура үсеш бүлеге җитәкчесе Эльмир Дамир улы Рамазанов та тәбрикләде.
Яшь гаиләгә мәхәббәт һәм наз сүзләрен әти - әниләре, туганнары, хезмәттәшләре җиткерде. Саба районында нык гаиләләр күбрәк булсын, аларда киләчәк буын – балаларыбыз, оныкларыбыз, оныкчыкларыбыз мәхәббәт һәм кайгыртучанлык атмосферасында үссен!