Шәмәрдән авыл җирлегендә милли Сабантуй бәйрәме узачак урман аланында әзерлек эшләре бара.

Саба йөзү бассейны директоры гүзәл затларны якынлашып килүче бәйрәм , егетләребезне Ватанны саклаучылар көне белән тәбрикләде.

2025елның 22 октябреннән  «Служение» III Бөтенроссия муниципаль премиясе старт алды. Әлеге чара   Россия Федерациясе Президенты Владимир Путин йөкләмәсе буенча үткәрелә һәм муниципаль берәмлекләрне үстерүгә һәм гражданнарның тормыш сыйфатын яхшыртуга аерым өлеш керткән хезмәткәрләргә бирелә. 2025 елда әлеге премиядә катнашуга 61 меңнән артык гариза бирелгән. Алар арасында - безнең балалар бакчасы мөдире Гөлнара Наил кызы Давыдова да бар. Ул  «Заманча балалар бакчасы кысаларында милли мәдәнияткә мәхәббәт тәрбияләү» проекты белән катнашып, җитәкченең эш тәҗрибәсен күрсәтте. Гөлнара Наил кызы премиянең 4 этабын уңышлы үтеп «Киләчәк буыннар өчен бөек мирас» номинациясендә җирле үзидарәне үстерүгә һәм гражданнарның тормыш сыйфатын күтәрүгә керткән һөнәри өлеше өчен диплом белән бүләкләнде. Без аны  чын күңелдән котлыйбыз! Бу уңыш киләчәк казанышлар һәм ачышлар өчен башлангыч нокта булсын!

Тимершык урта мәктәбенең агротехнологик класс укучылары җаваплылыгы чикләнгән «Игенче» җәмгыятендә  экскурсиядә булдылар һәм андагы эшчәнлек белән таныштылар. Бу безнең районның иң алдынгы хуҗалыкларының берсе, анда сөт җитештерү һәм терлекчелек белән бергә игенчелек белән дә шөгыльләнәләр. Хезмәт күрсәткечләре елдан-ел арта, эш нәтиҗәләре район, республика дәрәҗәсендә бәяләнә.

Халыкара хатын-кызлар бәйрәме хөрмәтенә Шекше авыл җирлегендә Шекше мәдәният йортының «Нур» театр коллективы «Корт» спектакленең премьерасын күрсәтте. Премьера 7 мартта Сәрдә авыл клубында, 8 мартта Шекше авыл мәдәният йортында күрсәтелде. Барлык үзешчәннәр дә үз рольләрен бик оста башкардылар. Тамашачылар аларны көчле алкышлар белән каршы алды. Соңыннан Шекше авыл җирлеге башлыгы Хәйртдинов Р.Р. артистларга һәм мәдәният хезмәткәрләренә рәхмәт сүзләрен җиткерде һәм барлык хатын-кызларны бәйрәм белән котлады.