"Җир-Ана көне" дип исемләнгән экологик сәгать
22 апрель-Бөтендөнья Җир көне. Бу дата уңаеннан Казанче Бигәнәй китапханәсе Бигәнәй мәдәният йорты белән берлектә «Җир-Ана көне " дип исемләнгән экологик сәгать үткәрделәр. Аның төп максаты-җәмгыятьнең һәм планетадагы һәр кешенең игътибарын җир проблемаларына җәлеп итү.Иң элек китапханәче әйләнә-тирә мохитне саклау, урманнарның кыйммәтләре һәм урман ресурсларыннан нәтиҗәле файдалану, эчә торган су һәм аның сыйфаты турында мәгълүмати әңгәмә үткәрде. Аннары уен формасында балалар файдалы үләннәр белән таныштылар, хайваннар һәм үсемлекләр турында табышмакларга җавап бирделәр, «уйлап тап», «дәвам ит» дигән уеннарда катнаштылар. Табигать турында тагын да күбрәк белергә балаларга »22 нче апрель-Халыкара Җир-Ана көне» дигән китап күргәзмәсе ярдәм итте . Чара " Әйдәгез, табигатьне саклыйк-ул матур, бай һәм бик төрле, әмма чиксез!»дип өндәп тәмамланды.