Саба балалар сәнгать мәктәбендә 3 нче «Шоколад» балалар бакчасында тәрбияләнүче кечкенә тыңлаучылар өчен сәнгать мәктәбе укучылары концерт бирде.
2023 елның 30 мартында Саба балалар сәнгать мәктәбендә 3 нче «Шоколад» балалар бакчасында тәрбияләнүче кечкенә тыңлаучылар өчен сәнгать мәктәбе укучылары концерт бирде. Концерт башланыр алдыннан балалар сәнгать мәктәбе буенча экскурсия белән үттеләр. Музыка залында баян, аккордеон, фортепиано, скрипка, курай, тавышларын тыңладылар.
Концерт барышында Мәктәпкәчә яшьтәге балалар сәнгать мәктәбе укучыларының уйнавына сокланып кына калмадылар, ә үзләредә бәрмә уен коралларында бик тырышып ритмик уйнау осталыкларын күрсәттеләр. «Я музыкант» музыкаль-ритмик уенда музыкаль инструментларда уйнауны имитацияләп бию хәрәкәтләре башкардылар, шулай ук тавыш буенча инструментларны да таныдыйлар.
Бу очрашу мәктәпкәчә яшьтәге балаларның эмоциональ хәтерендә иң якты эз калдырыр һәм музыка белән шөгыльләнүгә зур мотивация тудырыр дип ышанып калабыз