Озын нардалар буенча турнир
19 февральдә Байлар Сабасында чираттагы, инде традициягә әйләнгән, озын нардалар буенча айлык турнир узды. Ачылу тантанасында катнашучыларга сәламләү сүзләрен яшьләр эшләре һәм спорт бүлеге начальнигы - Гарипов Ирек Рамазан улы һәм Татарстан Республикасы Халыклар Федерациясенең Президенты - Галиев Марат Ибраһим улы җиткерделәр! Турнирга барлыгы 50 спортчы килгән. Куәтле десант уенчылар Киров өлкәсеннән Олег Хохлов җитәкчелегендә Саба җиренә төште! 8:00 дән 00:00 гә кадәр дәвам иткән «кискен» көрәш нәтиҗәләре буенча Байлар Сабасында февраль сезонлы турнирында җиңүчеләр һәм призерлар булдылар:
1 урын - Фатыйхов Айрат (Казан шәһәре);
2 урын - Нурисламов Рафик (Казан шәһәре);
3 урын - Зәйнетдинов Шамил (Казан шәһәре);
4 урын-Салюков Андрей (Яр Чаллы шәһәре).
Барлык спортчыларга, җанатарларга, оештыручыларга һәм бу айлык вакыйгага катнашы булган барлык кешеләргә бер-берсенә зур рәхмәтебезне белдерәбез!