Г.Х. Хәбибрахманов исмендәге Олыяз урта мәктәбе" кубогына баскетбол буенча турнир

2023 елның 18 гыйнвары, чәршәмбе

                   2023 елның 17 гыйнварында  Кукмара районы «Олыяз урта мәктәбе" базасында  2008 нче елгы яшүсмерләр арасында баскетбол буенча турнир үткәрелде. Ярышта «Сабантуй» спорт мәктәбе спортчылары да катнашты.  Ярышларда барлыгы 6 команда көч сынашты

. Каты көрәш нәтиҗәсендә призлы урыннар түбәндәгечә бүленде: 1 урынны Олыяз урта мәктәбе командасы алды, икенче урында Кукмара командасы, 3 урынга – «Сабантуй» спорт мәктәбе командасы лаек булды. Спортчы Хаҗиев Камил баскетболда «Иң яхшы уенчы» исемен алып, грамота белән бүләкләнде.

      Иң мөһиме – җиңү түгел,ә катнашу, диләр. Бу очракта, “Сабантуй” командасы җиңү алып кайтты.  Спортчыларыбызны котлыйбыз, алга таба да уңышлар теләп калабыз.