"Яңа елны күңелле каршылыйбыз!" исемле балалар өчен яңа ел бәйрәме

2023 елның 4 гыйнвары, чәршәмбе

3 гыйнвар көнне Бигәнәй мәдәният  йортында китапханә белән берлектә "Яңа елны күңелле каршылыйбыз!" исемле балалар өчен яңа ел бәйрәме уздырылды. Чара башында бәйрәмгә Кыш бабай белән Кар кызы килсен өчен балалар берничә биремне  үтәргә тиеш иде. Барлык биремнәрне  уңышлы үтәгәннән соң,тылсымлы тавышлар астында малайлар  һәм кызлар янына кунакка Кыш бабай килде.Барысы да аңа Яңа ел шигырьләрен сөйәделәр , шуның өчен татлы бүләкләр алдылар.  Шулай ук китапханәче төрле бәйгеләрдә катнашкан иң актив балаларга бүләкләр тапшырды. Әкият персонажлары балалар белән күңел ачтылар һәм шуңа күрә бәйрәм "Ура" га узды!