“Укучының мәдәни көндәлеге”
15 нче сентябрь көнне Сәләтле балалар өчен урта гомуми белем мәктәп интернатының 1 нче сыйныф укучыларына Саба район балалалар китапханәсе китапханәчесе Шакирҗанова И.И. мәктәп китапханәчесе Кәримуллина Э.Р. белән берлектә, “Укучының мәдәни көндәлеге” тапшыру проекты кысаларында, «Мәдәни дөнья» дип исемләнгән чара үткәрелде. Китапханәче Шакирҗанова И. укучыларга “Укучының мәдәни көндәлеге”н ничек эшләп бару кагыйдәләре турында сөйләде һәм әти-әниләре белән бергә “Укучының мәдәни көндәлеге” сайтына теркәлеп, конкурсларда катнашырга киңәш итте. Ә чараның икенче өлешендә Татарстан Республикасы территориясендә яшәүче халыкларның милли костюмнарын искә төшерделәр һәм камзол, бизәкле читек һәм түбәтәй, калфак сурәтләнгән пазллар җыйдылар. Чара ахырында барлык укучыларга “Укучының мәдәни көндәлеге” тапшырылды.