Байлар Сабасында - Кабак бәйрәме
Байлар Сабасы бистәсендә ел саен үткәрелүче Кабак бәйрәме инде озак еллар үткәрелүенә карамастан, ел саен биредә катнашучылар бәйрәмне үзләренә генә хас бизәкләр белән баетып, югары дәрәҗәдәге чарага әйләндерәләр. Быел да биредә кабак яратучылар ни генә кыландырып бетермәгәннәр! Ул фотозоналар исең китәрлек, кабактан ясалган эчемлек һәм ризыкларны санап бетерерлек түгел, фантазияләрен эшкә җигүчеләр кабактан крокодил Генаны да, милли киемле татар кызын да, әкият геройларын, хәтта полиция вәкилен дә ясаганнар. Агитбригада чыгышларын караганда КВН командалары чыгышы бер якта торсын дип уйларлык. Кыскасы, Кабак бәйрәме чып-чын бәйрәмгә әверелде. Әлеге фотоларда исә Байлар Сабасында урнашкан кайбер бюджет оешмаларының иҗат җимешләре белән таныша аласыз.