Сәнгать мәктәбенең Шәмәрдән филиалы тынлы оркестры- «Новоуральские фанфары-2022"конкурсы җиңүчеләре.
26-28 август көннәрендә Свердловск өлкәсенең Новоуральск шәһәрендә "Новоуральские фанфары-2022"XVII Бөтенроссия тынлы һәм джаз оркестрлары конкурс-фестивале узды.
Конкурста Россиянең төрле шәһәрләреннән: Магнитогорск, Ижевск, Пермь, Новоуральск, Глазов, Екатеринбург, Түбән Тура, Югары Синячиха, Асбест, Түбән Тагил, Чиләбедән 700 гә якын музыкант катнашты. " Тынлы оркестр” номинациясендә Татарстан Республикасын Саба балалар сәнгать мәктәбенең Шәмәрдән филиалы балалар тынлы оркестры тәкъдим итте (җитәкчесе: Фәтхуллин А.А., хореограф : Мөбәрәкҗанова А. З.).Конкурс нәтиҗәләре буенча тынлы оркестр 2 дәрәҗә Лауреат дипломына ия булды. Укучыларга истәлекле бүләкләр тапшырылды. Укучыларыбызны һәм коллектив җитәкчесе Фәтхуллин Айдар Альберт улын зур җиңүләре белән котлыйбыз! Аларга киләчәктә дә иҗади уңышлар телибез!