Байлар Сабасы бистәсендә тротуар төзекләндерелә

2022 елның 25 августы, пәнҗешәмбе

    Җәй ахырына якынлашуга карамастан, бистәдә төзелеш эшләренең кайнаган чагы. Байлар Сабасының Школьная урамы тәмамланып, Объездная урамына кадәр чыга торган өлешендә тротуар салына башлады. Халык тарафыннан күптәннән башкарылуны сорый торган мөрәҗәгать,  ниһаять, тормышка аша. Шәхси эшмәкәр И.Ф.Нәбиуллин эшчеләре, җирле халыктан җыелган үзара салым акчасы хисабына, уңайлы да, җайлы да итеп тротуар ясый бу көннәрдә. Димәк, үзебез исән-сау булыйк та, җилдереп кенә яңа тротуардан йөрергә язсын!