Күпер төзекләндерү

Ел саен бөтен дөньяда ноябрьнең соңгы якшәмбесендә искиткеч бәйрәм-әниләр Көне билгеләп үтелә! Әниләр көне - күңелне нечкәртә торган бәйрәм, ул  безнең һәрберебезнең тормышында иң мөһим кеше – әни икәнен искә төшерә. 22 ноябрь көнне Кызыл-Мишә мәдәният йортында һәм китапханә хезмәткәрләре "Һәрвакыт булсын әни!» дигән ял кичәсе оештырдылар. Барлык концерт номерлары мәхәббәт һәм хөрмәт хисләре белән башкарылды.  Әниләргә җылы сүзләр, изге теләкләр, күңелгә үтеп керерлек шигырьләр, лирик һәм күңелле җырлар яңгырады. Кичәне әниләр катнашында «Безнең уен» интеллектуаль уены белән дәвам иттеләр. Уен җылы һәм дустанә атмосферада узды. Әниләр "Ханымнар" һәм "Супер әниләр" командаларына бүленде. Уен берничә турдан торды. Сорауларга җавап биргәндә, анда катнашучылар үзләренең эрудицияләрен һәм логик фикерләүләрен, вакыт чикләнгән шартларда стандарт булмаган ситуациядә карарлар кабул итә белүләрен күрсәтергә тиеш булдылар. Барлык сораулар да катнашучылар өчен кызыклы һәм мавыктыргыч булды. Жюри фикеренчә, әниләр биремнәрне уңышлы үтәделәр һәм дуслык җиңде. Чара ахырында барлык катнашучыларга да истәлекле бүләкләр тапшырылды. Кичәдән һәркем дә кәнәгать калды.

2024 елның 20-24.11. көннәрендә Казан шәһәренең Бокс һәм өстәл теннисы үзәгендә өстәл теннисы буенча Татарстан Республикасы Беренчелеге узды. Саба муниципаль районы егетләр (Латыйпов Илсаф, Вәлиуллин Әлфис, Билалов Дамир)һәм кызлар (Хәбибрахманова Зилә, Латыйпова Илзирә, Батыршина Зилә, Хәйруллина Алинә) командалары арасында 3 урынны яуладылар. Котлыйбыз, алга таба уңышлар телибез.

Саба туган якны өйрәнү музее хезмәткәрләре агач эшләнмәләрне буяу буенча мастер-класс үткәрделәр. Укучылар күрсәтелгән үрнәкләрне зур кызыксыну белән карадылар, агач эшләнмәләрне буяу ысуллары белән таныштылар. Балалар мастер-класста бик теләп катнаштылар, бәйрәм көн уңаеннан бу хезмәтләре әниләрен сөендерергә бик матур бүләк булды.

24 ноябрьдә «Саба-Арена»да ир-атлар һәм хатын-кызлар арасында Татарстан Республикасы Өстәл теннисы федерациясе команда чемпионатының йомгаклау этабы узды. Ирләр разрядында 24 команда катнашты. 1 урын «TS-Юниор " командасы(Казан) Фролов Николай, Андреев Артем, Гибатов Морат Тренер Тихонов Виталий Александрович 2 урын  Яшьлек (Казан) тренеры Гарифуллин Руслан Шамил улы , Сабиров Айнур Мартюгов Сергей Гарифуллин Руслан Маринов Игорь 3 урын Олимп-Идел (Казан) тренеры Шахова Юлия Андреевна Толстяков Вадим, Таҗиев Нияз, Совин Семен, Ершов Артемий   Хатын-кызлар разрядында 13 команда.                             1 урын: «Саба-Арена» Саба районы: Исмаилова Динара(тренер-уенчы) Шиһапова Камилла, Латыйпова Илзирә, Хәбибрахмановѕ Зилә, Фәйзетдинова Сафира, Вәлиуллина Рияна.                2 урын: «Казаночка» Казан шәһәре. Тренерлары Шахова Юлия Андреевна. Спортчылар: Фәхретдинова Анна, Фәррахова Лия, Абдуллина Айзилә.                         3 урын: «Тайфун» Казан шәһәре. Тренерлары: Хәйруллин Марат Ринат Улы. Спортчылар: Бәширова Диләрә, Вуйович Евгения, Сәгыйтова Алия, Зыкова Вероника, Пяточенко Маргарита.   Татарстан Республикасы ФНТ КЧ да катнашучылар «Саба-Арена»хезмәткәрләрен җылы кабул иткәннәре өчен рәхмәт белдерәләр.