Муниципаль районнар Саба муниципаль районы

“Югары-Утар психик тайпылышлары булган гражданнар өчен балалар интернат йорты” дәүләт казна учреждениесендә “ Хәтер шәме” дип исемләнгән Бөтенроссия акциясе

2022 елның 23 июне, пәнҗешәмбе

22-нче июнь көнне “Югары-Утар психик тайпылышлары булган гражданнар өчен балалар интернат-йорты”ында тәрбияче Сираҗиева Гөлчәчәк Фәһметдин кызы тәрбияләнүче балалар белән “Хәтер шәме” Бөтенроссия акциясенә кушылдылар.

Ел саен 22-нче июньдә бөтен ил буенча һәм дөньяның күп кенә почмакларында «Хәтер шәме»акциясе уза. Бу - фашизмны җиңгән халыкларның уртак кайгысы билгесе генә түгел, ә кешелек хакына тарихи үткәнебезне бәяләүдә тирән рәхмәт һәм бердәмлек символы да.

Тәрбияләнүчеләр шулай ук сугыш башлануның беренче көннәре турында видеоязма карадылар һәм Бөек Ватан сугышында һәлак булучыларны искә алу минутына кушылдылар.

Тэги: Югары-Утар балалар интернат-йорты

“Югары-Утар психик тайпылышлары булган гражданнар өчен балалар интернат-йорты” дәүләт казна учреждениесе

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Махсус хәрби операциядә катнашучыларның гаиләләре “Тургай” приютында кунакта.

Безнең приютта махсус хәрби операциядә катнашучыларның гаиләләре белән очрашу атналыгы уза.Шул уңайдан 21 ноябрьдә безнең "Тургай" приютында махсус хәрби операциядә катнашучы Шакировлар гаиләсе катнашында " Махсус хәрби операциядә катнашучылар-безнең заман геройлары" исемле уен - викторина узды. Чараның беренче өлеше уен-викторина кебек узды, анда балалар һәм кунаклар сорауларга җавап бирделәр. Ә икенче өлештә сүзне кунакларга бирдек. Туганнары сөйләгәннәрдән балалар Ватаныбызны саклаучыларның,без заман геройлары дип атаган кешеләрнең, батырлыклары турында белделәр. Чара барышында авылдашларыбыз - Украинадагы махсус хәрби операциядә катнашучылары турында презентация күрсәтелде. Чара азагында балалар шигырьләр укыдылар һәм солдат туганнарына үз куллары белән ясаган бүләкләр бүләк иттеләр.

Саба районы "Иң күп татарча китап укучы район"

22 ноябрь көнне Идел буе физик культура һәм спорт академиясендә “Әдәби марафон” ХХVI - XXIX Дөньякүләм китап укучылар бәйгесе җиңүчеләре бүләкләнде. Бөтен дөньядагы китап сөючеләрне берләштергән, аларга яраткан язучылары белән аралашу мөмкинлеге тудырган әлеге очрашу зур бәйрәмгә әйләнде. 2019 нчы елдан бирле беренчелекне бирмәгән Саба районы инде егерме бишенче тапкыр җиңүче дип табылды. "Иң күп татарча китап укучы район" исемен алды һәм кубок белән бүләкләнде. Саба үзәкләштерелгән китапханәләр системасы директоры Билалова Ләйсән Рәкыйп кызы "Әдәби әйдаман 2024" исеменә лаек булды, ТР Мәгариф һәм фән, мәдәният министрлыкларының Рәхмәт хатлары белән бүләкләнде.

Консультация-Татарстан Республикасы территориясендә метеорологик күренешләрнең интенсивлыгы турында кисәтү

Хөрмәтле гражданнар! «Татарстан Республикасы Гидрометеорология һәм әйләнә-тирә мохитне мониторинглау идарәсе " фдбудан: Консультация-кисәтү метеорологик күренешнең интенсивлыгы турында Көн ахырына кадәр сакланып, 23 ноябрь кичендә Татарстан Республикасы территориясендә урыны белән томан көтелә.

Югары Симет урта мәктәбендә әниләр көне

Әниләр көне уңаеннан 22 ноябрь көнне Югары Симет урта мәктәбендә башлангыч сыйныф укучылары әниләрне һәм дәү әниләрне бәйрәм белән котладылар.

ЯҢАЛЫКЛАРГА ЯЗЫЛУ