Югары Утар психик тайпылышлары булган граҗданнар өчен интернат йортында Бөек җиңү көненә багышланган чаралар.
Май аенда Саба районы «Югары Утар психик тайпылышлары булган гражданнар өчен балалар интернат – йорты» дәүләт казна учреждениесендә Бөек Ватан сугышында Җиңүгә багышланган чаралар үткәрелде.
Буыннарның тарихи дәвамчанлыгын саклау, Россиянең тарихи үткәне һәм хәзергесенә сак караш тәрбияләү, үсеп килүче буынның рухи-әхлакый һәм гражданлык - патриотик сыйфатларын формалаштыру максатыннан, балалар йортында әлеге истәлекле датага багышланган чаралар оештырылды һәм үткәрелде. Шулай итеп, безнең тәрбияләнүчеләр белән тәрбиячеләребез " Җиңү тәрәзәләре" Бөтенроссия акциясендә актив катнаштылар, анда балалар йорт тәрәзәләрен Җиңү символлары белән бизәделәр," Георгий тасмасы "һәм" Кызыл гвоздика "акцияләрендә дә катнаштылар.
8 май көнне балалар йорты директоры Хуҗин М.М. һәм тәрбияләнүчеләр белән тәрбиячеләр берлегендә Курсабаш авыл җирлегендә узган митингта катнаштылар. Анда Бөек Ватан сугышында һәлак булучыларны бер минут тынлык белән искә алдылар, аннары хәтер агачын утырттылар. Митингтан соң балалар йорты территориясендә Үлемсез полк йөреше оештырылды.
9 май көнне балалар йорты хезмәткәрләре Байлар Сабасында узган Җиңү парадында актив катнаштылар. Бу чаралар Ватаныбызның киләчәге өчен барлык буыннарны берләштерүче традициягә әверелде.