Финанс-бюджет палатасы Бөек Җиңү көненә әзерлек эшләрен башлады

2022 елның 27 апреле, чәршәмбе

Быелгы апрель төрле холыклы кебек күренсә дә, соңгы көннәрдә җылы, кояшлы көннәре белән дә сөендерергә онытмады. Апрельның соңгы көннәре тарихтагы иң зур бәйрәм – Бөек Җиңү көненә әзерлек мизгелләре  белән истә кала бигрәк тә. Бистәбезнең урамнары, биналары матураеп, башка төсмер ала бу көннәрдә. Финанс-бюджет палатасы да бу көннәрдә Бөек Җиңү көненә әзерлек эшләрен башлады. Әлбәттә, бу бинаны гади генә бизәү эшләре түгел, ә тарихыбызны барлау, горурлык һәм рәхмәт хисләре белән башкарыла торган эш. Ә алда – 9 май бәйрәменә багышланган район парады, Бөек Җиңүнең 77 еллыгын бәйрәм итү мизгелләре көтә.