Чисталык үзебездән башлана !

2022 елның 25 апреле, дүшәмбе

   Яз җитү белән, кар астында яткан барлык чүп-чар өскә калкып чыга. Оешма, учреждение, предприятиеләрдә эшләүчеләр белән беррәттән, бистәдә яшәүче һәркем яшәгән җиребезнең чиста һәм матур булуына үзенең өлешен кертергә тырыша. М.Горький урамында яшәүче Александрова Елена, мәсәлән, инде берничә ел рәттән, Пасха бәйрәме алдыннан, әлеге эшне үз теләге белән башкара. “Туган ягыбызның, яшәгән җиребезнең патриотлары булыйк! Патриотлык хисе корал тотып, илне саклауда гына түгел, ә менә шушындый бик вак булып тоелган гамәлләрдән башлансын иде”, - ди ул. Елена ханымга зур рәхмәтебезне җиткерәбез һәм башкаларга да аның үрнәгенә кушылырга тәкъдим итәбез.