Татарстан Республикасы территориясендә метеорологик күренешләрнең интенсивлыгы турында консультация-кисәтү

Саба мөмкинлекләре чикләнгән балалар өчен интернат-мәктәбендә инвалидлар декадасы дәвам итә. 8 декабрь чын мәгънәсендә бай, иҗат һәм интеллектуаль ярышлар белән тулы көн булды. Башта шахмат-шашка турниры узды. Чараны балалар сәламәтләндерү-мәгариф үзәге белгечләре оештырды. Укучылар зур кызыксыну һәм энтузиазм белән ярышларга кушылдылар. Ярыш дустанә һәм ярдәмчел атмосферада узды. Һәр катнашучы үз осталыгын күрсәтә алды, шулай ук көндәшләреннән ниндидер яңалык белде. Турнир интернатның мәктәп тормышындагы якты һәм истә калырлык вакыйгага әверелде, катнашучыларга уңай хис-кичерешләр бүләк итте һәм шашка-шахмат белән кызыксынуларын ныгытты.     Турнир белән беррәттән  «Балалар иҗат үзәге» МБУ педагогы Хәмидуллин А.Р. «Кышкы пейзаж» дигән мавыктыргыч мастер-класс үткәрде. Балалар рәсем сәнгате дөньясына чумдылар, кышкы ландшафт булдыру техникасын үзләштерделәр. Мастер-класс иҗади потенциалны ачарга, шулай ук кәгазьдә кышкы әкиятнең ничек җанлануын күрергә мөмкинлек бирде. Һәр катнашучы кәгазьдә үзенең кышкы әкиятен тормышка ашыра алды.

2025 нче елның 7 нче декабрь көнендә “Сабантуй” стендлы ату үзәгендә спортинг-компакт  буенча ярышлар булып узды

8 декабрь  көнне Миңгәр авылында яшәүче Гыйлемшин Җиһангир Гыйлемша улы 90 яшьлек туган көнен билгеләп узды. Аны Тимершык авыл җирлеге башлыгы Хаҗиев А. Х.,  Саба муниципаль районы  социаль яклау идарәсе җитәкчесе Гайнутдинова Л.Н., “Болгар” ҖЧҖ вәкиле Әскәров И.Г.  котладылар һәм бүләкләр тапшырдылар. Алга таба да кәдер, хөрмәттә яшәвен телибез.

    Агросәнәгать  өлкәсендә эшләүче 35 яшькә кадәр яшьләр арасында уздырылган “Һөнәре буенча иң яхшы “ конкурсында “ Игенче” җәмгыятеннән өч хезмәткәребез катнашты. Конкурс Казан шәһәрендә 5 нче декабрьдә узды.