Мин кулыма китап алам

2021 елның 12 октябре, сишәмбе

Китаплар - безне балачактан зур тормышка озатып калучылар,гомер буе хәтердә яңарып торучы иң якын дусларыбыз да. Китапка мәхәббәт бала күңеленә кечкенәдән салынырга тиеш. Эзмә авыл жирлегенен Иләбәр авыл китапханәсе һәм клуб хезмәткәрләре укучылар белән берлектә «Мин кулыма китап алам» дип исемләнгән әдәби- интеллектуаль уен оештырдылар. Катнашучылар ике командага бүленеп көч сынаштылар. Укучылар Туган  телләр һәм халыклар бердәмлеге  елына багышланган әлеге чарада төрле халыкларның әкиятләренә багышланган сорауларга, табышмакларга  җаваплар эзләделәр, мәкальләр, әйтемнәр өлкәсендә көч сынаштылар. Дөрес җаваплар өчен бирелгән жетоннар саны буенча җиңүче команда билгеләнде.