Финанс-бюджет палатасы коллективы районда узучы барлык чараларда да актив катнаша.
Саба муниципаль районының пляж волейболы буенча 2021нче ел сезоны чемпионатында (Байлар Сабасы зонасы) безнең хезмәткәрләр актив катнашты. «ФБП 1» командасын тәкъдим иткән Заһидуллина Гөлнара Фәнис кызы һәм Шакирова Лилия Радик кызы мактаулы 2 урынны яуладылар!
Шулай ук 2021 нче елның 12 нче августында « Саба-Арена» спорт мәктәбендә 2021 нче ел сезонының бадминтон буенча Саба муниципаль районы Чемпионаты булып узды. ФБП командасы 3 урын өчен Диплом белән бүләкләнде. Командалар составында Галиев Илнар,Гарипов Алмаз, Исмәгыйлева Эльвина һәм Нәҗметдинова Айзирә уйнады.
Финанс-бюджет палатасы җитәкчесе Сөнгатов Шамсун Әкбәр улы ир-ат җитәкчеләр арасында 3 урын өчен Диплом белән бүләкләнде.
Без хезмәткәрләребез белән горурланабыз һәм киләчәктә дә уңышлар телибез!