Татарстан Республикасы мәктәп урманчылыкларының IV слеты
31 июльдә Кукмара районы Лубян урман-техник колледжы базасында Татарстан Республикасы мәктәп урманчылыкларының IV слетын ябу тантанасы булды. Анда ТР Урман хуҗалыгы министрының беренче урынбасары Илгизәр Зарипов, Кукмара муниципаль районы Башкарма комитетының мәгариф идарәсе башлыгы Илфат Әхмәдуллин, «Лубян урман-техника көллияте» ДББУ директоры Рим Фәхразиев һ. б. катнашты.
«Татарстан урманнарының киләчәге – безнең кулларда» конференциясенең «Урман һәм кеше» секциясенең эш нәтиҗәләре буенча 1 нче урынны Саба районының «Нургали оныклар» мәктәп урманчылыгыннан Нәргизә Сафиуллина, 2 нче урынны-Азалия Сираҗиева һәм Диана Чернова (Зәй районының 5 нче мәктәбе), 3 нче урынны Инзилә Гәрәева (Ютазы районының «Яшел патруль» мәктәбе) яулады.
Тест нәтиҗәләре буенча 1 нче урын-Илья Захаров (Кукмара районы Лубян урта мәктәбе), 2 нче урын-Фәния Диярова (Мамадыш районы Олыяз лицее), 3 нче урын-Нәргизә Сафиуллина (Саба районы Лесхоз урта мәктәбе).
«Яшь урманчылар» конкурсы йомгаклары буенча 1 нче урынга Диләрә Кәримуллина һәм Илзат Латыйпов (Саба районы Лесхоз урта мәктәбе), 2 нче урынга Алмаз Дәүләтов һәм Ильяс Зиннуров (Мамадыш районы Олыяз лицее), 3 нче урынга Әлфис Зыятдинов һәм Ильяс Галимов (Арча районы Лесхоз урта мәктәбе) лаек булды.
Команда зачетында урыннар түбәндәгечә бүленде: 1 нче урында-«Нургали оныклары» мәктәп урманчылыгы, 2 нче урында-«урман дуслары» һәм 3 нче урында – «Табигать варислары».
Җиңүчеләргә проекторлар һәм проект экраннары, планшетлар, микроскоплар, сәгатьләр, урман -аксацион приборлар һ. Б. лар бирелде.