Муниципаль районнар Саба муниципаль районы

Зилә Батыршина-дөнья Кубогы җиңүчесе!

2021 елның 28 июне, дүшәмбе

"Сабантуй" спорт мәктәбе спортчысы Зилә Батыршина Хорватиядә узган түгәрәк стендта дөнья Кубогы җиңүчесе булды һәм үзенә Токиода узачак Олимпия уеннарына юллама алды. Зилә квалификациядә мөмкин булган 125 мишеньнең 117сенә тидереп, финалда Чили кызы Франциски Кроветто Чадидны (56-53) отты.

Ә 26 июнь көнне Зилә команда турнирында дөнья Кубогының икенче алтынын яулады. Ул Россия хатын-кызлар җыелма командасы составында Наталья Виноградова һәм Надежда Коновалова белән бергә «скит» күнегүендә чыгыш ясады. көрәштә россиялеләр Италия командасына мөмкинчелк калдырмады.

Осиектагы дөнья кубогы Токио-2020 Олимпия уеннары алдыннан Халыкара ату спорты федерациясенең соңгы старты булып тора. Анда дөньяның 61 иленнән 600дән артык спортчы катнаша.

Зиләне һәм тренеры Алексеев Юрий Владимировичны яхшы нәтиҗә һәм җиңү белән котлыйбыз!

Яшьләр эшләре һәм спорт бүлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Махсус хәрби операциядә катнашучыларның гаиләләре “Тургай” приютында кунакта.

Безнең приютта махсус хәрби операциядә катнашучыларның гаиләләре белән очрашу атналыгы уза.Шул уңайдан 21 ноябрьдә безнең "Тургай" приютында махсус хәрби операциядә катнашучы Шакировлар гаиләсе катнашында " Махсус хәрби операциядә катнашучылар-безнең заман геройлары" исемле уен - викторина узды. Чараның беренче өлеше уен-викторина кебек узды, анда балалар һәм кунаклар сорауларга җавап бирделәр. Ә икенче өлештә сүзне кунакларга бирдек. Туганнары сөйләгәннәрдән балалар Ватаныбызны саклаучыларның,без заман геройлары дип атаган кешеләрнең, батырлыклары турында белделәр. Чара барышында авылдашларыбыз - Украинадагы махсус хәрби операциядә катнашучылары турында презентация күрсәтелде. Чара азагында балалар шигырьләр укыдылар һәм солдат туганнарына үз куллары белән ясаган бүләкләр бүләк иттеләр.

Саба районы "Иң күп татарча китап укучы район"

22 ноябрь көнне Идел буе физик культура һәм спорт академиясендә “Әдәби марафон” ХХVI - XXIX Дөньякүләм китап укучылар бәйгесе җиңүчеләре бүләкләнде. Бөтен дөньядагы китап сөючеләрне берләштергән, аларга яраткан язучылары белән аралашу мөмкинлеге тудырган әлеге очрашу зур бәйрәмгә әйләнде. 2019 нчы елдан бирле беренчелекне бирмәгән Саба районы инде егерме бишенче тапкыр җиңүче дип табылды. "Иң күп татарча китап укучы район" исемен алды һәм кубок белән бүләкләнде. Саба үзәкләштерелгән китапханәләр системасы директоры Билалова Ләйсән Рәкыйп кызы "Әдәби әйдаман 2024" исеменә лаек булды, ТР Мәгариф һәм фән, мәдәният министрлыкларының Рәхмәт хатлары белән бүләкләнде.

Консультация-Татарстан Республикасы территориясендә метеорологик күренешләрнең интенсивлыгы турында кисәтү

Хөрмәтле гражданнар! «Татарстан Республикасы Гидрометеорология һәм әйләнә-тирә мохитне мониторинглау идарәсе " фдбудан: Консультация-кисәтү метеорологик күренешнең интенсивлыгы турында Көн ахырына кадәр сакланып, 23 ноябрь кичендә Татарстан Республикасы территориясендә урыны белән томан көтелә.

Югары Симет урта мәктәбендә әниләр көне

Әниләр көне уңаеннан 22 ноябрь көнне Югары Симет урта мәктәбендә башлангыч сыйныф укучылары әниләрне һәм дәү әниләрне бәйрәм белән котладылар.

ЯҢАЛЫКЛАРГА ЯЗЫЛУ