#ТРЯшьләренәТорак туры эфиры
Россия Федерациясе Президенты В.В. Путинның 2021 елның 21 апрелендә яшь гаиләләргә дәүләт ярдәмен камилләштерү чаралары өлешендә Россия Федерациясе Федераль Җыелышына Юлламасын үтәү йөзеннән, Татарстан Республикасы Президенты Р.Н. Миңнехановның республика территориясендә яшьләргә үз-үзләрен тормышка ашыру өчен шартлар тудыру турында Татарстан Республикасы Дәүләт Советына Юлламасында билгеләнгән бурычлар нигезендә, яшьләргә Татарстанда гамәлдә булган торак шартларын яхшыртуда яшь гаиләләргә дәүләт ярдәме чаралары хакында мәгълүмат бирүнең нәтиҗәлелеген арттыру максатларында Министерство тарафыннан 2021 елның 28 июнендә 17.45 сәгатьтә яшь гаиләләргә #ТРЯшьләренәТорак туры эфиры үткәрелә.
Турыдан-туры эфир кысаларында (zoom, YouTube мәйданчыкларында) һәркем файдалана алырлык һәм тәфсилле формада Татарстанда гамәлдә булган программалар һәм яшьләргә үз торакларын сатып алуда дәүләт ярдәме проектлары, документлар җыюның, исәпкә куюның, торак шартларын яхшыртуда дәүләт ярдәменең кулай механизмын сайлауның адымлы инструкцияләре тәкъдим ителәчәк.