Байлар Сабасы бистәсендә хезмәт өмәсе узды
2021 елның 26 апреле, дүшәмбе
Бу көннәрдә һәркайда кызу эш гөрли. Кышын кар астында яткан барлык чүп-чар өскә калкып чыгып күзгә ташлана башлау белән, шәхси хуҗалыклар, оешма, учреждение, предприятиеләр, шәхси эшмәкәрләр өмә ясауга керешә. Хезмәт өмәләре безне берләштерә, саф һавада эшләү икеләтә табышлы: матурлык һәм чисталык тудыруга да өлеш кертәсең, сәламәтлек өчен дә файда. 24нче апрель көнне Байлар Сабасы бистәсе территориясендә һәркем бердәм өмәдә катнашты. Матурлык та, чисталык та үзебез өчен. Әйдәгез, туган җиребез табигате белән бер сулышта булыйк, төзек һәм матур бистәбезне башкаларга да үрнәк булырлык итеп тотуда үз өлешебезне кертик. Хезмәт өмәсендә катнашкан һәр кешегә олы рәхмәтебезне җиткерәбез!
Тэги:
Саба шәһәр җирлеге
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз