"Без бергә" Милли халык иҗаты балалар фестиваленың зона этабына әзерлек

2021 елның 30 марты, сишәмбе

   Март ае дәвамында Балалар иҗат үзәге тарафыннан "Без бергә" Милли халык иҗаты балалар фестиваленың муниципаль этабы үткәрелде. Әлеге фестивальда 10 номинацияда төрле яшь категориялары арасында бәйге чаралары уздырылып, җиңүчеләр билгеләнде. 26 март көнне бәйгедә катнашучылар кабат җыелды. Бу көнне зона этабында катнашучыларның чыгышларыннан торган, үз эченә иң матур номерларны җыйган видеоязма әзерләнде  һәм зона этабында катнашыр өчен тәкъдим ителде.