Оешмаларга салым ташламалары бирү турында 2020 елга транспорт һәм җир салымы буенча
"Россия Федерациясе Салым кодексының икенче өлешенә һәм "Россия Федерациясе Салым кодексының беренче һәм икенче өлешләренә һәм Россия Федерациясенең Салымнар һәм җыемнар турындагы аерым закон актларына үзгәрешләр кертү турында" Федераль законның 9 статьясына үзгәрешләр кертү хакында " 15.04.2009 елдагы 63-ФЗ номерлы Федераль закон нигезендә оешмалар 2020 елга хисап чорыннан башлап транспорт салымы һәм җир салымы буенча салым декларацияләрен тапшырмый.
Шуңа бәйле рәвештә, транспорт яки җир салымы ташламалары хокукына ия оешмаларга салым органына салым түләүченең транспорт салымы һәм (яки) җир салымы буенча салым ташламасын бирү турында Россия Федераль салым хезмәтенең 25.07.2009 ел, № ММВ-7-21/377@ (КНД 1150064) боерыгы белән расланган форма буенча гариза җибәрергә кирәк. Гариза белән бергә оешма әлеге ташламага хокукны раслаучы документларны бирергә хокуклы.
Салым ташламалары бирү турындагы гаризаны карау нәтиҗәләре буенча, салым органы салым ташламасын бирү турында хәбәрнамә, йә салым ташламасын бирүдән баш тарту турында хәбәр җибәрә.
Россия Федерациясе Салым кодексының салым органына ташлама турында гариза бирү вакыты билгеләнмәгән. Шул ук вакытта, Идарә 2021 елның 1 кварталы дәвамында гариза тапшырырга тәкъдим итә.
Шул ук вакытта, 2021 елдан башлап, Россия Федерациясе Салым Кодексының 363 статьясы һәм 397 статьясы нигезендә, салым түләүләренең тулылыгын тәэмин итү максатларында салым органнары салым түләүчеләргә (аларның аерым бүлекчәләренә) үзләре карамагындагы транспорт чаралары / җир участоклары урнашкан урын буенча салым органнары тарафыннан исәпләнгән салым суммалары турында хәбәр җибәрә.
Хәбәр салым органында булган мәгълүмат, шул исәптән ташлама турында гаризаны карау нәтиҗәләре нигезендә төзелә.
Шулай итеп, әгәр салым органы хәбәр төзү датасына бирелгән салым ташламасы турында мәгълүмат булмаса, хәбәргә әлеге ташламаны исәпкә алмыйча исәпләнгән салым суммалары кертеләчәк.