Рәсем конкурсы «Туган авылымда – яз!»
Яз ул – яңа тормышның башы, ул елмаюлар, матурлык, кояш һәм, әлбәттә, фантазияләр чоры! Кыш-анабыз әле саубуллашырга җыенмаса да, балалар да, өлкәннәр дә кояшның җылы нурлары, беренче чәчәкләр, кошлар җырлавы турында хыяллана. Күптән көтелгән яз инде безнең ишекләргә килеп кага, безнең күңелләргә күтәренкелек, шатлык, оптимизм һәм уңай эмоцияләр өсти. 5 март көнне Кызыл-Мишә мәдәният йорты һәм китапханә хезмәткәрләре 3 сыйныф укучылары белән «Туган авылымда – яз!» дип исемләнгән рәсем конкурсы үткәрделәр. Балалар китапханәче белән бергә язның төп билгеләрен, язгы айларны кабатладылар, табигатьтәге күзәтүләр белән уртаклаштылар, бу матур ел фасылына багышланган табышмакларга җаваплар таптылар. Рәсем конкурсына балалар иҗади яктан якын килеп, ачык һәм матур рәсемнәр ясадылар, үзләренең эшләрендә язгы кәефләрен чагылдырдылар.