«Укучының мәдәни көндәлеге» конкурсы
19 нчы октябрь көнне Килдебәк авыл китапханәчесе Килдебәк урта мәктәбендә «Укучының мәдәни көндәлеге» һәм «Иң мәдәни ата-ана» конкурслары җиңүчесен тәбрикләде. 2 нче сыйныф укучысы Габсаттарова Зәмирә Рәсим кызы узган уку елы нәтиҗәләре буенча “Иң мәдәни укучы” булып танылды, ул диплом һәм кыйммәтле бүләкләр белән бүләкләнде. Ә Замирәнең әнисе Габсаттарова Ләйсән Илгиз кызы «Иң мәдәни ата-ана» номинациясендә җиңде, шулай ук диплом һәм кыйммәтле бүләкләр белән бүләкләнде.
Алар уку елы дәвамында төрле мәдәният учрежденияләренә, мәсәлән: музейлар, китапханәләр, театрлар, кинотеатрларга актив йөрделәр. Шулай ук www.культурныйдневник.рф порталында блог алып бардылар. Мәдәни көндәлекне чиста, пөхтә алып бардылар, ел дәвамында алар булган барлык мәдәни урыннарның исемнәрен яздылар.